Debuxando o Mercado

Espazos

Na sesión, cada persoa participante debe sentirse libre para plasmar directamente sobre o papel as súas impresións, as súas anotacións debuxadas. Gustaríame que se traballase sobre a idea esencial do encadramento e a composición. Trátase principalmente dun traballo en branco e negro que relacione superficies e liñas. Trátase sobre todo da idea de traducir un conxunto de formas gráficas, de cheos e baleiros, de positivo-negativo. O branco e negro permite a construción dun espazo que pode tender á abstracción. Gustaríame sobre todo que cada debuxante gozase traballando libremente; o movemento da man é esencial. Gustaríame tamén que, na segunda metade do taller, as persoas participantes utilizasen os valores do gris e o negro. O mercado está vivo, as imaxes son múltiples: froitas, verduras, peixes, personaxes etc. Os vosos debuxos tamén deben estar vivos.